Vigilantekorsou.com - Lokal
 
Notisia
Lokal
Sosial
Farándula
Deporte Lokal
Deporte International
Video
Titularnan
Notisia Resien
Aviso
Aviso Ekonómiko
Partisipashon di morto


Manda bo SMS News On na
8080
pa bo risibí Notisia
manera e suseso sosodé riba bo selular.
PDF di Korant
Korant di:
02/02/2012
Edishon Nr.:
5357
Wak PDF
Korant di:
16/02/2012
Edishon Nr.:
5367
Wak PDF
Mas PDF di korant
Lokal
Fin di siman aki tin trabou di mantenshon un parti di Cas Coraweg
Fecha: 07/09/2012 - 8:46 am
Punda---Obra Públiko (OW) i minister di Tráfiko, Transporte i Planifikashon Urbano Ing. Charles Cooper MSc. den koperashon ku departamentu tékniko di polis di tráfiko ta anunsiá ku ta kuminsá ku trabounan di mantenshon riba Cas Coraweg fase1. E trabounan ta tuma lugá for di Schout bij Nacht Doormanweg te na Van Engelenweg i lo tin un durashon di mas o ménos un siman. Debí na e magnitut di e trabounan, mayan i djadumingu lo sera e parti aki di Cas Coraweg kompletamente pa tráfiko.



E kaya lo keda aksesibel solamente pa habitante i komersiantenan.
E trabounan ta tuma lugá entre 8 or di mainta te 5 or di atardi i ta na enkargo di e kontratista Curacaose Wegenbouw Maatschappij (CWM).
Durante ehekushon di e trabounan lo desviá e tráfiko i outomobilistanan lo por hasi uso di rutanan alternativo ku lo indiká pa medionan di barinan oraño. Tambe lo tin bòrchinan di indikashon i señalnan pa mustra e kambionan nesesario.
OW, e kontratista CWM i departamentu tékniko di polis ta pidi tur outomobilista pa tene debido kuenta ku e kambionan i kore ku koutela. Tambe ta spera komprenshon i ta gradisí di antemano pe koperashon.